Pages

Friday 28 October 2011

Mera pehla pehla pyar

Yeh un dino ki baat hai jab hamare aunty ki engagement thi us waqt mere nazar mere us cousin per pari jiss ko main bohat pasand ker ta tha dil se chahta tha mager main ne us se kabhi bhi koi baat nahi ki thi lekin us din achanak main ne use salam kia jiss ka us ne muskura ke jawab dya us ki muskurahat mere dil main is tarhan baas gai ke ghar per aane ke baad meri sabar ki intiha na rahi ab mera bechain dil chah raha tha ke mian kissi na kissi tarhan se us se mulaqat karon mager koi rasta nazar nahi aaraha tha keun kemain ne us se kabhi zindagi main koi baat nahi ki thi, ek din main inhi socho main ghum tha ke mere qismat achanaq khul gai mere cell phone per PCO se call aaye mere receive kerte hi us ne mujse kaha pehchana main us ki awaz kiss tarhan bhool sakta tha main ne be ikhtiar keh dala ji pehchan gya tum Sana hi ho na us ka naam sana hai phir who chup ho gai to main ne kaha is phone ker ne ki kya waja hai us ne kaha ke ab aap se baat ker ne ke lye koi reason bhi batana ho ga kya yeh zaroori haimain aap se bagair reason ke koi baat nahi ker sakti kya main samajh gya ke aag dono taraf barabar lagi hoi hai is tarhan hamare pyar ka agaz ho gya ab youn hi baton ka silsila shuro ho gia hum roz issi tarhan ek doosre se phone per baten ker ne lage or kai bar hamari mulaqat bhi ho chuki hai magar chup ke se ek din achanakmere mother ne mujh se kaha hum tumhari engagement ker rahe hain main pareshan ho gia keun ke mujhe us ke bare main kuch bhi nahi bataya tha jiss se mere mangani ker rahe the ab main or bhi pareshan ho gia keun ke main ne yeh sooch lia tha ke agr koi meri life partner ho gi to who sirf or sirf sana hi ho gi main ne foorann us se contact kia or use saari haqiqat bata di mujh se us ki aankhon ke aanson nahi dekhe ja rahe the main ne use dilasa dia or us kaha ke agar hamara pyar sacha ho ga to hum zaroor ek saath rahen ge hum yeh samajh rahe the ke hamare pyar ke bare main kissi ko kuch nahi pata lekin is ki khabar mere parents ko ho gai thi chand roz baad main ne apni mother se kaha main engagement nahi ker raha mother ne kaha keun beta, main ne ghabrahat ke mare bahana banate hoe kaha ke abhi mere age hi kia hai abhi mujhe bohat kuch kar na hai yeh baat sunte hi meri mother hansne lagi or kehne lagi beta sirf ek baar mere khatir tum yeh photo to dekh lo phir apna faisla sunana photo dekhte hi mere hosh ur gai or mere ajeeb se kefiat ho gai jissi main byan nahi ker sakta yeh to sana hai main ne ka mother ne kaha ji beta hame pata hai yeh sana hai issi lye to is se tumhari mangani te ki hai keun beta ab faisla badal lo yahmain tumhari mangani cancel kar doon main ne hami bhar li ab mujh se raha na gia or main ne sana ko phone kia or us se milne ko kaha who mujh se milne aaye main ne usey yeh kushkhabri suani or who bhi wohab khush thi aaj hamari mangani ho gai hai hum bohat khush hain ek doosre se bohat pyar ker te hain us ke milne ke baad mere zindagi hi badal gai hai.